SENDEIRISMO COS CINCO SENTIDOS
| Pazos de Arenteiro | |
O conxunto histórico-artístico de Pazos de Arenteiro, atópase no Concello de Boborás, onde se xuntan os ríos Arenteiro e Avia e a 35 km de Ourense. O Pobo A primeira impresión nada tén que ver –nalgún caso paradigma do kitch- co que nos agarda máis adiante. Pouco a pouco nos invade a sensación de deixar atrás o presente para introducirnos na Galicia dos Austrias. Rúas estreitas, flanqueadas por caseróns que sitúan a Pazos fora da, en xeral, modesta arquitectura tradicional do noso rural. A explotación do viño cuxo promotor será o Abade de S. Clodio, sentará as bases da prosperidade económica que experimentará a zona dende o s. XVI e, especialmente, no Barroco. Os maiores beneficios reverquerán nos Condes de Ribadavia e na Encomenda de San Xoan. |
|
Pazos era, efectivamente, un priorato da Orde relixiosa e militar dos Cabaleiros de Malta ou hospitalarios de San Xoan de Xerusalen, ricos e, en parte, herdeiros de parte do imperio Templario que converteron a esta poboación en fornecedora de productos derivados do viño e atraxeron comerciantes e fidalgos que construiron aqui os seus pazos. A igrexa que, tal como reza na inscripción dunha pedra no seu interior, data do ano 1205 ( E.M.: CCXLIII), é de traza románica com elementos góticos hispano-flamencos. |
|
Para chegar podemos coller a estrada de Carballiño a Leiro ou de Ribadavia a Leiro. Nós desviarémonos xusto antes de cruza-la ponte sobre o río Avia, que nos levaría a Carballiño (se vimos de Ribadavia) ou cruzando a ponte e collendo unha estrada á dereita se se ven de Carballiño. A estrada é estreita e sinuosa pero lévanos entre árbores frondosas e ofrece excelentes vistas de bancais, fermosa arquitectura civil e relixiosa e carballeiras. A uns 8 km e chegando xa ó noso destiño podemos deternos para contemplar unha ponte sobre o Avia que foi testemuña e víctima da batalla librada entre as tropas francesas e a guerrilla de Ribadavia en plena Guerra da Independencia. O 18 de febreiro de 1809 entran as tropas francesas em Ribadavia, despois de atopar gran resistencia na batalla de Francelos e en Santo Domingo de Ribadavia. O 1 de marzo os voluntarios do Ribeiro e os tiradores do Avia, capitaneados por Bernardo González “Cachamuiña” expulsan da comarca ós franceses. Segundo as fontes, deixóu un saldo de 200 mortos. Continuamos un pouco máis e aparcamos á entrada do pobo. |
 |
O entorno Seguimo-la indicación do Pozo dos Fumes cara a Ponte do século XV sobre cuxo arco maior se aprecia a cruz do Santo Sepulcro e o relevo dun Santo, tamén presente no pazo dos Cervela. Opcións:
A cantina Voltamos ata onde deixamo-lo coche e facemos unha paradiña “técnica” na cantina que hai ó final, á dereita. Se se encarga con antelación, preparan un suculento cocido e empanada con bó viño do Ribeiro e mellor atención, a un interesante prezo.
|
|
Para saber máis: Pazos de Arenteiro, de Iolanda Barriocanal, na colección Guías do Patrimonio Cultural (de venda na cantina). |
|
