Pobo da provincia de Ourense, próximo a Palmés e ó Mosteiro de Naves.

Paga a pena unha visita a este remanso de paz e oxíxeno, con excelentes vistas da cidade.

¡TODO UN EXEMPLO A SEGUIR!

É de destacar a importantísima labor levada a cabo por Elías, recollendo durante toda a súa vida enseres tradicionais que hoxendía garda con todo mimo en varios museos particulares neste mesmo pobo da Conchada e que amosa a tódolos interesados que se acheguen ó pobo.

Pero non menos importante é a hospitalidade da simpática Pilar que nos recibíu cun recital dos seus poemas. E que decir de César. Grazas amigo, pola teima tanto túa como da túa dona, Pilar, por manteñer impecables os camiños que levan ós muiños e ós restos do Mosteiro de Naves así como por sinalizar cada punto de interese que tedes neste fermoso pobo.

Tamén a familia Ares está a facer unha tarefa moi importante adquirindo casas para restauralas e fincas que puntualmente limpan e acondicionan para que os incendios non ataquen o entorno.

DESCRIPCIÓN DA ROTA Preme no plano >>

Situación :

Nas aforas de Ourense.

¿Cómo chegar?

•  En coche: subindo a “costiña de Canedo” ou pola estrada de Beiro cara Palmés.

•  En autobús urbano de Palmés (de luns a venres, cada hora e en fin de semana, cada dúas horas).

. A pé, dende Ourense, polo Camiño Real da Conchada.

Comenzamos en Palmés . Unha ollada á vella parroquia con elementos románicos así como algunhas casas de notable factura. Recomendávosmos que non deixedes de visita-la la cantina que hai na praciña principal. É unha de aquelas tendas-cantina con saboroso licor-café, tan típicas en Galicia e que xa prácticamente non se ven.

De Palmés, collemo-la estrada que nos leva a Naves. Á entrada do pobo atopamos un forno comunal restaurado e dirixímonos a pe por un camiño ó Mosteiro de Santa Comba.

MOSTEIRO DE SANTA COMBA DE NAVES

Fundado por San Rosendo no s. XI, pertenceu á Orde Benedictina. No s. XVI pasóu a ser un priorato do Mosteiro de Celanova. O seu estado actual é verdadeiramente lamentable, pero aínda conserva certos elementos arquitectónicos, testemuños do seu antigo esplendor, así como os restos da capela exenta do edificio principal.

Voltando ó camiño –antiga calzada medieval de Ourense ó Ribeiro- avanzamos un pouco máis, abeirando a montaña.

Outras fotos de diversas estancias do Mosteiro e do seu lamentable estado

A máis ou menos 800 metros do Mosteiro, á nosa dereita, unha roca impresionante reclama a nosa curiosidade. É o Mirador de Falán.

Mirador de Falán

Ofrece unhas boa panorámica sobre o Val do Miño e a ciudade de Ourense. Retomamo-lo camiño a traverso dun espeso bosque autóctono e chegamos ó pobo de A Conchada, grata sorpresa para os sentidos. Na foto da dereita, vistas de Ourense dende o Mirador.

A CONCHADA

(poema escrito por Pilar de A Conchada)

Conchadiña, concha de ouro

feita de ouro e prata fina,

se a souperas buscar

Conchada enrriquecía.

É nun pobiño pequeno

que causa admiración.

as cores da arboleda

cando cambia a estación.

Ten a forma dunha cuncha

é ouro ó lado da fonte,

é o que di a historia

e de ahí ven o seu nome.

A fonte é moi pequena

con menos dun metro de auga

sempre botando para fora

abundante, fresca e sana.

Tamén ten un sobrenome

polo glamour da súa xente

chámaselle Ourense pequeno

puxéronllo noutro tempo.

A Casiña do Outeiro

un museo anticuario

con vistas ó rio miño

e de Ourense, a cidade.

A Carballa do Campo

varias veces centenaria

é o símbolo do pobo

quizáis sexa milenaria.

Na Costiña de Canedo

unha grande lapineira

onde durmía o Busca

cando pedía esmola.

Unha cruz de dous brazos

ó lado, nunha pedra grande

que as facían os Foros

para mandar os territórios.

O grande Outeiro da Pena

onde estiveron os mouros

cunha gran cova debaixo

para gardar os seus tesouros.

Convento de Santa Comba

co castigo da pingueira

para que a moza non pecara

mentres estaba solteira.

Alí pasaba a noite

para podela revisar

e se non estaba virxe

non se podía casar.

Entre outras moitas cousas

tamén temos os muiños

as casiñas restauradas

e tamén novos veciños.