SENDEIRISMO COS CINCO SENTIDOS
| Canón do Sil: Vilouxe-Santa Cristina-San Vitor-Sacardebois | |
.. fixeras a vendima e, anque pouco e de uvas apestadas, fervía xa o mosto nas bodegas, maduro millo segaban os labradores nas súas veigas e, nos soutos, gardando os rapaces as castañas, apañaban os degaros que aquí e acolá caían dos ourizos. Marcial Valladares “Maxina ou a filla espúrea” Nin o exquisito románico desta Tebaida galega é quen de eclipsa-la festa orxiástica que nos envolve en arrecendo de magosto, morogos e viño novo, conducíndonos polos carriozos(corredoiras) ata fragas repletas de bosque autóctono, tapizadas, neste tempo coas cores de outono e pataos (bancais) que desafían a vertixe da máis fermosa falla tectónica do sul de Europa: O Canón do Sil. |
|
Ribeira Sacra | Canón do Sil | Cores de outono no Sil| Ruta en catamarán | A Cubela | Comarca de Terra de Caldelas |
|
Abondan as pegadas de ocupación humana dende o paleolítico pero será o medievo o que marque profundamente a historia desta zona, cunha intensa actividade monástica, representada en numerosos cenobios que van xurdindo ó longo das verquentes do curso do río Sil e que dará lugar á Ribeira Sacra. CONCELLO : Parada do Sil SITUACIÓN : Marxe esquerda do río Sil SUPERFICIE-ESPACIO NATURAL : 16000 Ha POBOACIÓN : 896 habitantes PARROQUIAS : A Hedrada (Santiago) , As Paradellas (Santa María) , Caxide (Santa Cristina) , Chandrexa (Santa María), Forcas (San Mamede), Parada de Sil (Santa Mariña , Pradomao (San Xiao) , Sacardebois (San Martiño) , San Lourenzo de Barxacova (San Lourenzo) . |
 |
A castaña Ata hai pouco, a castaña secábase nos mesmos soutos onde se recolectaban, en sequeiros de pedra como o da fotografía e que podemos contemplar neste percorrido polas ladeiras do Canón . Unha vez que a castaña pasaba a ser pilonga, os propietarios baixaban cos burros para carretalas. Base da alimentación en Galicia ata ben entrado o século XVIII, amosa nesta zona certas particularidades relacionadas co seu consumo: “bellotes” (asadas), “burgazos” (cocidas e mesturadas con leite frío ou con chourizo ceboleiro). Aparte da castaña, a madeira da árbore está moi presente na arquitectura tradicional. Así observamos en varias das poblacións que visitaremos (San Vitor, Rabacallos) que se aplicou á fabricación de mobles, apeiros de labranza, vigas das casas, portas, fiestras, cancelos, cercados, cestos e mesmo tabiques. Id, vended todo lo que poseéis y dadlo a los pobres; y venid, seguidme (Lc 12,33; Mt 19,21) Quien estimare al padre o a la madre, a la mujer, a los hijos, o a todos los que pasan con el mundo, más que a mí, no es digno de mí (Mt 10,27; Lc 14,25) Quien no aborrece a su vida por mi causa, no es digno de mí; y: Quien perdiere la vida por mí, la encontrará en la vida eterna (Jn 12,25; Mt 10, 39; Lc 9,24). |
|
O VIÑO Xa os romanos denominaron ós viños da Ribeira Sacra “o ouro líquido do Sil” e fixéronos merecentes de gran sona ó longo do seu imperio. Posteriormente, os mosteiros da Rivoyra Sacrata potenciaron decisivamente o seu comercio terrestre e fluvial Na Denominación de Orixe dos Viños da Ribeira Sacra diferéncianse as seguintes cinco subzonas: Chantada, Quiroga , Ribeiras do Miño, Amandi e Ribeira do Sil-Ourense. Pola súa banda, algunhas terras das zonas mais orientais como é o caso de Larouco pertencen a denominación de orixe da veciña comarca de Valdeorras. Case o 90% dos viños responden a variedades de tinto como a Señorial Mencía ou a Garnacha , mentres que as principais variedades de branco son o Albariño e o Godello . As súas características son as de un viño moi aromático e de excelente e fresco paladar. |
 |
 |
 |
