SENDEIRISMO COS CINCO SENTIDOS
| Cabo Silleiro-Mougás | |
En 1866 inaugurouse o Faro Silleiro, situado no Cabo Silleiro. O primeiro combustible que utilizou foi unha lámpada de mecha de aceite vexetal e en 1909 pasou a funcionar cunha lámpada de petróleo. En agosto de 1924 inaugurouse o novo edificio que albergaría o faro a 85 m . no alto da montaña. Este edificio tén pranta rectangular e na súa fachada oeste está a torre do faro, que dende 1960 tén unha lámpada de 3000 w. que se pode ver a 40 millas se o tempo está despexado. Ademáis da serea ten un emisor eléctrico de 200 millas de alcance. Hoxe é un dos puntos principais de orientación dos navíos que surcan as augas. Fonte: Turgalicia. |
|
A DEFENSA COSTEIRA Teremos ocasión de ver que evolución experimenta a vixiancia e defensa marítima desde os primitivos fachos ata as hoxe abandoadas baterías de costa da artillería de costa española. 1. FACHOS-PATRIMONIO MARÍTIMO DE GALICIA facho s.m. 1 . Lume que se acendía antigamente no cume dun monte para guía de mariñeiros. Acendían fachos en lugares falsos para provocar naufraxios. 2 . Lugar elevado onde se acendía unha fogueira para guia-los barcos. Pasou a noite no facho coidando do lume. 3 . Fachuzo. Fíxosenos de noite e acendemos un facho.(Dic. Real Academia Galega). Construíanse tamén para vixiar o mar e defenderse de eventuais agresores. No interior encendían un “fachuzo” (presa de palla acesa) para avisaren da presencia de embarcacións sospeitosas.
|
As illas Cíes, ao lonxe, dende o curro de Mougás. |
2. BATERÍA DE COSTA En Cabo Silleiro aínda contemplan a ría os catro impoñentes Vickers 152,4/50 baixo a antiga protección dun bunker de telemetría. Este bunker aínda deu un último servizo cando se producíu a catástrofe do Prestige , para seguir o avance do fuel polo mar e utilizando prismáticos dos atuneiros. Características do Vickers (na foto): Calibre: 152,4 mm . Alcance: 21,600 m . Velocidade: 915 m/seg Peso do proxectil: 45 Kg . apr. Cadencia: 4 disparos/minuto Peso do tubo: 8738 Kg . Lonxitude do tubo: 7,86 m . No argot artilleiro, chámanlle “quince vintecatro” e son pezas de orixe naval deseñadas pola británica Vickers Armstrong, compradas no ano 1926 para potenciar buques e defensa de costas españolas e construídas en España entre 1926 e 1952. |
 |
OS CURROS OU RAPA DAS BESTAS Curro: 3 . Curral valado con madeira onde se encerran as cabalerías que se crían no monte. Rapa-las bestas no curro. (Dic. Real Academia Galega). Valga, Mougás e Torroña, no concello de Oia, son tres curros dos máis senlleiros de Galicia. Serven para identificar as bestas, raparlles as crinas e sedas do rabo, desparasitalas e tamén para vender os poldros que non vaian quedar no monte para utilizalos como reproductores. A festa coordínase polos “besteiros”, que na mañanciña do día do curro suben ao monte para cercar os cabalos. Diríxenos cara un punto común, a parada (serve como punto de recoñecemento dos animais e de descanso e organización). Posteriormente ten lugar a entrada no curro. A continuación sucédense as operacións de separación, rapa e marcaxe dos animais . Rematadas estas tarefas, realízase a solta, e libéranse as bestas ata o seguinte ano. |
 |
Os petroglifos de Viladesuso xa amosan imaxes de cabalos que poderían das pistas sobre a orixe deste evento. Disque os monxes de Oia eran donos de moitos destes animais. • Curro da Valga: 2º domingo de maio • Curro de Mougás: 2º domingo de xuño • Curro de Torroña: 1º domingo de xuño |
 |
STA. MARÍA DE OIA Monumento Histórico Artístico dende 1931, é un exemplo craro de arquitectura cisterciense e único desa orde no litoral. Construido en 1132 baixo mandato do Rei Afonso VII, foi un importante baluarte defensivo ante as constantes invasiós marítimas, como a dos turcos en 1624, que repeleron os monxes, feito que provocóu que o Rei Felipe IV lles concedese máis privilexios. En 1835, coa desamortización, pasóu a propiedade privada. Durante a Guerra Civil, utilizouse como cárcere. Na actualidade únicamente se pode acceder ao templo e, recentemente ven de ser adquirido por un grupo hostalerio para convertelo en Hotel de cinco estrelas. |
 |
Asociación Cultural Vía Auria, sen ánimo de lucro e con sede en Ourense. Número de Rexistro 2005/008617-1 (OU) © 2005 Vía Auria |
|
